© 2016 CROSSCUP. Proudly created with Wix.com
 

  • w-facebook
  • Twitter Clean
  • White YouTube Icon
  • White SoundCloud Icon
  • White Instagram Icon

Rumelange

Oct 26, 2019

http://www.acccontern.lu/

Nov 09, 2019

www.endurance.lu

Nov 23, 2019

http://www.saf.lu

Nov 30, 2019

https://www.facebook.com/veloclubmamer/

Dec 07, 2019

http://www.tooltime.lu/

Dec 14, 2019

http://www.ucne.lu/

Dec 21, 2019

Mondorf

What's this item about? What makes it interesting? Write a catchy description to grab your audience's attention...

Jan 04, 2020

Jan 18, 2020

www.endurance.lu

Please reload

 

CYCLISSEM - CYCLOCROSS

Scott Thiltges kréint sech bei belscher Victoire mam Skoda-Cross-Cup

Vum Lynn Kayser (Radio), Jacques Joseph (Télé), RM (RTL.lu)|Update: 19.01.2020 23:08|0 Commentaire(n)

Cyclo-Cross zu Leideleng (19.1.2020)

1/176

© Robert Straus

 

 

 

E Sonndeg war zu Leideleng de leschten internationale Cyclocross vun dëser Saison an den Terminus vum Skoda-Cross-Cup.

Internationale Cyclocross zu Leideleng mat belscher Victoire

Play Video

De Scott Thiltges huet sech de Botter net méi vun der Schmier huele gelooss an de Skoda-Cross-Cup fir sech entscheet.

Bei den Hären huet kee Wee laanscht de Wietse Bosmans gefouert. De Belsch huet sech am 2. Tour vun der Konkurrenz ofgesat an huet déi reschtlech Tier un der Spëtzt eleng ofgespullt - dobäi huet hie sech een agreabele Polster op d'Verfolger erausfuere kënnen. Op d'Plaz 2 koum op 37 Sekonnen de Seppe Rombouts - hie gouf och beschten Espoir -  an de Podium completéiert huet den Gianni Siebens, allebéid wéi de Gewënner och aus der Belsch. De beschte Lëtzebuerger gouf de Vincent Dias dos Santos als 8. De Scott Thiltges ass als 10. ukomm an huet sech domat mam Gewënn vum Skoda-Cross-Cup geséchert. De frësch gebakene Champion Lex Reichling hat e Sonndeg iwwerdeems näischt mam Ausgang vun der Course ze dinn, hie gouf de 16.

Play Video

Scott Thiltges, gléckleche Gewënner vum Skoda-Cross-Cup

D'Pauliena Rooijakkers huet d'Course bei den Damme gewonnen. D'Hollännerin konnt sech direkt um Ufank vun der Course un d'Spëtzt setzen an huet dës Course souverän op en Enn gefuer. Ee manner gudde Start hat iwwerdeems d'Favoritin d'Pavla Havlikova. Si konnt sech awer nees no vir fueren an ass schliisslech als 2. op 17 Sekonnen iwwer d'Ligne d'Arrivée gefuer. Spannend war et fir déi 3. Plaz, hei gouf et ee Sprint. An deem Sprint war d'Elise Maes mat dobäi. D'Lëtzebuergerin konnt sech op de leschte Meter eng gutt 5. Positioun op ronn eng hallef Minutt sécheren.

Play Video

Elise Maes war frou iwwert hir Leeschtung

D'Victoire am Skoda-Cross-Cup ass iwwerdeems fir d'Marie Schreiber, si gouf e Sonndeg dat 11. an domat beschte Juniorin.Als Gewënn kritt déi jonk Lëtzebuergerin wärend engem Joer een Auto zur Verfügung gestallt - kuriéis dobäi ass, datt si nach kee Fürerschäin huet. D'Nina Berton gouf beschte Lëtzebuerger Espoir.

© Lynn Kayser

Bei der internationaler Junior-Course gouf et eng Victoire fir de Belsch Arne Baers. Hien huet sech am leschten Tour vu sengem Landsmann Lukas Vanderlinden ofgesat a sech mat enger Avance vun 11 Sekonnen duerchgesat. Den däitschen Tim Neffgen hat als 3. e Retard vun 48 Sekonnen. Beschte Lëtzebuerger war den Arno Wallenborn als 4. op 1 Minutt an 2 Sekonnen. De Lëtzebuerger Champion a Gewënner vum Skoda-Cross-Cup Mats Wenzel ass de 5. op 1 Minutt a 14 Sekonne ginn.

1/3

© Lynn Kayser

© Lynn Kayser

© Lynn Kayser

Bei den Debutanten huet de Mathieu Kockelmann déi leschte Course vun dëser Saison hei am Land souverän gewonnen. De Lëtzebuerger Champion huet bis op eng Course, wou hien net um Depart war, iwwerall dominéiert a sech domadder och de Skoda-Cross-Cup geséchert. No 30 Minutten hat hien zu Leideleng e Virsprong vun 1 Minutt an 23 Sekonnen op den Noa Berton an 1 Minutt an 53 Sekonnen op de Mats Berns.

© Lynn Kayser

© Lynn Kayser

Bescht Debutant-Meedche war d'Anouck Schmitz. Bei de Meedercher huet iwwerdeems d'Liv Wenzel de Skoda-Cross-Cup gewonnen.

 

 

CYCLISSEM - CYCLOCROSS

Vincent Dias dos Santos gewënnt iwwerraschend um Holleschbierg

RTL|Update: 05.01.2020 20:12|0 Commentaire(n)

Vincent Dias dos Santos gewënnt um Holleschbierg

Play Video

Beim Cyclocross zu Hesper kënnt hannert dem Dias dos Santos de Scott Thiltges op déi 2. Plaz. Leschte Plaz um Podium ass fir de Raphaël Kockelmann.

 

 

 

Beim Cyclocross zu Hesper kënnt hannert dem Dias dos Santos de Scott Thiltges op déi 2. Plaz. Leschte Plaz um Podium ass fir de Raphaël Kockelmann.

De Cyclocross um Hesper Holleschbierg war déi leschte Course fir d'Coureure virun de Landesmeeschterschaften nächste Weekend zu Miersch. Gespaant huet een op déi 2 Favoritte Lex Reichling a Scott Thiltges gekuckt. Béid Cycliste konnte bis ewell 4 Victoirë feieren.

Bei den Hären huet sech awer iwwerraschend de Vincent Dias dos Santos virun der staarker Konkurrenz duerchgesat. Op déi 2. Plaz fiert den Alzenger Scott Thiltges. Als beschten Espoir fiert op déi 3. Plaz de Raphaël Kockelmann. De Lex Reichling kënnt op eng enttäuschend 4. Plaz.

Bei den Dammen huet sech d'Marie Schreiber d'Victoire geséchert.

D'Course iwwer 13 Kilometer bei de Junioren huet den Tom Paquet gewonnen. Op d'Plazen 2 an 3 sinn de Mats Wenzel an de Alexandre Kess gefuer.

Bei de Masters war déi éischt Plaz fir de Christian Weyland virum Tom Flammang an dem Guillaume Schaeffler.

De Mathieu Kockelmann huet d'Course bei den Debutante virum Niels Michotte an dem Noa Berton gewonnen. Beschte Meedche bei de Dubantente war d'Liv Wenzel.

PDF: Alleguerten d'Resultater am Iwwerbléck

Hesper Cyclocross: Victoirë fir Paquet a Kockelmann

Play Video

Bei de Junioren, Debutanten an Damme goufen et Victoirë fir Tom Paquet, Mathieu Kockelmann a Marie Schreiber. Gefuer gouf op engem neie Parkour.

 

 

CYCLISSEM - CYCLOCROSS

Lex Reichling dominéiert Course zu Munneref

RTL|Update: 22.12.2019 19:24|1 Commentaire(n)

Lex Reichling gewënnt de Cyclocross zu Munneref

Play Video

Op en Neits sollt et zum Showdown tëscht dem Scott Thiltges an dem Lex Reichling kommen, déi d'Course dominéiert hunn.

 

 

 

De Coureur aus dem Préizerdaul ka sech géint säi gréisste Konkurrent Scott Thiltges behaapten, deen op déi 2. Plaz fiert a Leader am General bleift.

Virun der Course waren de Scott Thiltges, dee bis elo 4 Victoirë feiere konnt, an de Lex Reichling, sengersäits mat 3 Victoiren, déi 2 grouss Favoritten op d'Victoire zu Munneref.

Bei den Hären huet sech 3 Woche virum Championnat de Lex Reichling seng 4. Victoire an dëser Saison konnte sécheren. Hie setzt sech no enger iwwerzeegender Leeschtung souverän virum Scott Thiltges an dem Fransous Victor Thomas duerch. De Scott Thiltges bleift duerch seng 2. Plaz Leader am Skoda Cross Cup.

De Lex Reichling fiert iwwerdeems en Donneschdeg eng Weltcup-Manche zu Zolder an der Belsch als Virbereedung op déi nächst Cyclocrossen.

Bei de Junioren huet de Léo Kraemer d'Course iwwer 11 km gewonnen. Op d'Plazen 2 an 3 sinn den Geoffrey Rausch an de Jo Schmitz gefuer.

Bei de Masters war déi éischt Plaz fir de Raphael Pierron virum Tom Flammang, deen elo neien Leader am General ass.

PDF: D'Resultater vum Cyclocross zu Munneref 2019

 - CYCLOCROSS

Thiltges gewënnt de regionale Cyclocross zu Waarken

RTL|Update: 16.12.2019 07:28|0 Commentaire(n)

Thiltges gëwennt de regionale Cyclocross zu Warken

Play Video

No enger spannender Course huet sech de Scott Thiltges virum Lex Reichling duerchgesat.

 

 

 

De grousse Favorit Lex Reichling, deen déi läscht 3 Coursse fir sech entscheede konnt, misst sech engem staarke Scott Thiltges geschloe ginn.

De Scott Thiltges huet bei den Hären de Regionale Cyclocross zu Waarken gewonnen a bleift domadder de Leader am Skoda Cross Cup. Den Alzenger hat eng Avance vu 6 Sekonnen op de Lex Reichling aus dem Préizerdaul. Um Podium stoung nach de Fransous Loïc Bruetsch mat engem Réckstand vun iwwer 3 Minutten. Beschten Espoir war de Raphael Kockelmann als 4.

Bei de Junioren huet de Mats Wenzel gewonnen. Op d'Plazen 2 an 3 sinn den Noé Ury an den Tom Paquet gefuer.

Bei de Masters war déi éischt Plaz fir den Tom Flammang.

 

 

CYCLISSEM - CYCLOCROSS

Lex Reichling feiert 3. Victoire hannerteneen

Vum Bob Leven (RTL.lu)|Update: 08.12.2019 21:46|1 Commentaire(n)

Lex Reichling feiert 3. Victoire hannerteneen

Play Video

Um Sonndeg gouf am Préizerdaul eng rengional Course gefuer, déi zum Skoda Cross Cup zielt. De Podium gouf komplettéiert vum Loic Hennaux a Scott Thiltges.

 

 

 

Um Sonndeg gouf am Préizerdaul eng Course vum national Championnat gefuer. De Podium gouf komplettéiert vum Loic Hennaux a Scott Thiltges.

Bei den Hären gouf et déi 3. Victoire hannerteneen fir de Lex Reichling (VV Tooltime) an dat op senger Heemstreck am Préizerdaul. Zweeten gëtt de Belsch Loïc Hennaux (Team Off Road Colnago) mat engem Retard vun 48 Sekonnen virum Scott Thiltges (LG Alzingen).

Leader am Skoda Cross Cup bleift de Scott Thiltges.

Bescht Damm gouf d'Marie Schreiber (CT Atertdaul) mat engem Virsprong vu 14 Sekonnen virum Elise Maes (Torelli Assure).

Bei de Junioren konnt sech de Mats Wenzel (CT Atertdaul) virum Tom Paquet (UC Dippach) an dem Arno Wallenborn (LP Schëffleng) duerchsetzen.

Bei den Debutante war op en Neits de Mathieu Kockelmann de Séiersten. Um Podium stoungen nach den Noa Berton an den David Lang.

Bei de Masters gewënnt de Mario Matijevic virum Raphael Pierron an dem Christian Weyland.

PDF: D'Resultater vum Cyclocross am Préizerdaul

 

 

 

CYCLISSEM - CYCLOCROSS

Lex Reichling setzt sech zu Mamer duerch

RTL|Update: 01.12.2019 20:42|2 Commentaire(n)

Lex Reichling séchert sech d'Victoire zu Mamer

Play Video

De Vincent Dias dos Santos konnt no senge Victoiren 2017 an 2018 keng drëtte Kéier um Stéck gewannen.

 

 

 

Zweete gouf de Scott Thiltges virum Victor Thomas aus Frankräich.

Bei der Elite konnt sech de Lex Reichling d'Victoire beim regionale Cyclocross zu Mamer sécheren. De Coureur vum VV Tooltime hat um Enn 17. Sekonnen Avance op de Scott Thiltges. Drëtte gouf de Victor Thomas aus Frankräich. De Vincent Dias Dos Santos, dee sech esouwuel 2017 ewéi och 2018 d'Victoire séchere konnt, koum um Enn op déi 7. Plaz.
De Raphaël Kockelmann war als 5. beschte Lëtzebuerger Espoir, Séiersten Damm war d'Marie Schreiber.

 

 

CYCLOCROSS ZÉISSENG

Lex Reichling feiert 1. Victoire an dëser Saison

RTL|Update: 24.11.2019 17:47|0 Commentaire(n)

© pressphoto (Archiv)

 

 

 

No senger 2. Plaz de leschte Weekend konnt sech de Préizerdauler e Sonndeg zu Zéisseng virum Scott Thiltges behaapten.

De Lex Reichling huet e Sonndeg beim regionale Cyclocross zu Zéisseng d'Course bei der Elite gewonnen. De Préizerdauler hat um Enn eng Avance vun 8 Sekonnen op de Scott Thiltges an 20 Sekonnen op de Fransous Scott Thomas, deen éischten Espoir gëtt.

De Lëtzebuerger Champion Vincent dias Dos Santos ass als 4. op 23 Sekonnen iwwert de wäisse Stréch gefuer.

De Scott Thiltges bleift Leader am Skoda Cross Cup.

Bei den Debutante gouf et eng weider Victoire fir de Mathieu Kockelmann. De Keeler dominéiert jo schonn déi ganz Cyclocross-Saison. Um Podium stoungen nach den Noa Berton an de Mats Berns.

Déi beschten Damm war zu Zéisseng nees d'Marie Schreiber. Si huet sech virum Elise Maes an dem Nina Berton duerchgesat.

Bei de Minimes huet de Lenn Schmitz virum Jules Hubert an dem Loris Finzi gewonnen. A bei de Cadets war de Rick Meylender de Stäerksten, dat virum Clemens Freisinger an dem Leopold Strauss.

 

CYCLISSEM - REGIONALE CYCLOCROSS

3. Victoire fir de Scott Thiltges

RTL|Update: 10.11.2019 20:24|2 Commentaire(n)

Play Video

 

 

 

E Sonndeg gouf zu Dummeldeng déi 3. Manche vum Skoda Cross Cup gefuer.

De Scott Thiltges war e Sonndeg beim Regionale Cyclocross zu Dummeldeng dee Stäerksten. De Lëtzebuerger huet sech mat engem Virsprong vun 11 Sekonne virum Fransous Hugo Boulanger duerchgesat. Um Podium stoung mam Arthur Liardet e weidere Fransous. De Lëtzebuerger Champion Vincent dias Dos Santos ass de 4. op 38 Sekonne ginn.

No 2011 heescht de Gewënner domadder zu Dummeldeng eng éischte Kéier net méi Vincent dias Dos Santos.

Bei den Dammen huet d'Marie Schreiber virum Elise Maes an dem Laetitia Maus gewonnen.

Arno Wallenborn heescht de Gewënner bei de Junioren.

Bei den Debutante war um Sonndeg de Mathieu Kockelmann de Beschten.

PDF: D'Resultater vum Cyclocross zu Dummeldeng

An Italien sinn de Weekend déi nei Europameeschteren am Cyclocross gesicht ginn. Bei den Hären an den Damme gouf et eng hollännesch Victoire. 

CYCLISSEM - CYCLOCROSS CONTER

https://www.rtl.lu/sport/cyclissem/a/1423593.html

Thijs Aerts wënnt, Scott Thiltges gëtt de beschte Lëtzebuerger

RTL|Update: 27.10.2019 22:14|0 Commentaire(n)

Aerts wënnt, Thiltges gëtt de beschte Lëtzebuerg

Play Video

Bei den Debutanten huet de Mathieu Kockelmann d'Course dominéiert, bei den Damme war d'Marie Schreiber déi beschte Lëtzebuergerin.

 

 

 

Bei den Debutanten huet de Mathieu Kockelmann d'Course dominéiert, bei den Damme war d'Marie Schreiber déi beschte Lëtzebuergerin.

Bei der Elite konnt sech den Thijs Aerts no 10 Ronnen duerchsetzen. De Belsch, deee vum 3. Tour un eleng un der Spëtzt loung an hat um Enn eng Avance vu 34 Sekonnen  op de Joshua Dubau (Fransous). Um Podium stoung nach den Andreas Goerman aus der Belsch. Beschte Lëtzebuerger gouf de Scott Thiltges als 20. Hien hat ee Retard vun 3 Minutten a 36 Sekonnen op de Vainqueur.

Resultater Cyclocross Conter

Shirin van Anrooij heescht d‘Gewënnerin vun der internationaler Dammecourse. Déi 17 Joer jonk Hollännerin hat sech direkt nom Depart vun der Course un d‘Spëtzt gesat an ass do eng souverän Course gefuer.Mat engem Retard vun 1 Minutt a 24 Sekonnen ass d’Weltmeeschterin vun 2016, d‘Thalita de Jong déi 2. ginn.

Bescht Lëtzebuergerin gouf d'Marie Schreiber als 7. a soumat ass si och déi Éischten am Skoda Cross Cup.

© Lynn Kayser

Bei de Juniore war d'Course um Sonndeg fest a franséischer Hand. Als Éischten ass den Noé Castille iwwert de wäisse Stréch gefuer. Hien hat e Virsprong vun 23 respektiv 26 Sekonnen op den Ugo Ananie an de Pierrick Burnet. Beschte Lëtzebuerger war de Mats Wenzel als 11ten, hie bleift Leader am Skoda Cross Cup.

© Lynn Kayser

De Mathieu Kockelmann huet sech och beim 5. Cyclocross vun dëser Saison hei am Land bei den Debutanten d'Victoire geséchert. De Lëtzebuerger Champion hat e Virsprong vun iwwer 2 Minutten op de Mats Berns an den Noa Berton.

Bescht Meedche war d'Liv Wenzel virum Margot Marasco (Fr) an dem Anouk Schmitz. No der 2. Manche vum Skoda Cross Cup leien de Mathieu Kockelmann an d’Liv Wenzel a Féierung.

CYCLISSEM - CYCLOCROSS ZU RËMELENG

Keng Chance fir d'Lëtzebuerger bei Victoire vum Loïc Hennaux

RTL|Update: 20.10.2019 20:55|0 Commentaire(n)

Keng Chance fir d'Lëtzebuerger bei Victoire vum Loïc Hennaux

Play Video

Bei richtegem Cyclocross Wieder ass e Sonndeg zu Rëmeleng déi éischt Manche vum Skoda Cross Cup gefuer ginn.

 

 

 

Bei richtegem Cyclocross Wieder ass e Sonndeg zu Rëmeleng déi éischt Manche vum Skoda Cross Cup gefuer ginn.

Bei der Elite war de Loïc Hennaux e Sonndeg fir d'Lëtzebuerger Cyclocross-Fuerer ze staark. De Belsch huet zu Rëmeleng déi 1. Manche vum Skoda Cross Cup an dëser Saison gewonnen. Op d'Plazen zwee an dräi sinn de Fransous Victor Thomas an de Lëtzebuerger Scott Thiltges gefuer. Den Hennaux war d'lescht Joer deen Zweeten am Skoda Cross Cup ginn.

De Lëtzebuerger Champion Vincent Dias Dos Santos an den Tristan Parrotta haten direkt am Ufank vun der Course e Platten, doduerch hate si näischt méi mam Ausgang vun der Course ze dinn. Fir den Dias Dos Santos war et um Enn déi 13. Plaz a fir de Parrotta déi 10.
Bei de Junioren huet de Mats Wenzel sech d'Victoire geséchert. Um Podium stoungen nach de Belsch Geoffrey Rausch an de Lëtzebuerger Alexandre Kess.

Mathieu Kockelmann heescht de Gewënner bei den Debutanten. Hien huet sech virum Noa Berton an dem Mil Morang duerchgesat.

Bei den Damme war d'Marie Schreiber virum Elise Maes an dem Nina Berton déi Stäerkst.
De Raphael Pierron war de Beschte bei de Masters. Dat virum Mario Matijevic an dem Guillaume Schaeffler. Als 4. war de Serge Bertemes dee beschte Lëtzebuerger.